خلاف برجي مع أليسا هل يطال نادين نجيم؟
لا يزال خلاف الفنانيّن أليسا وزياد برجي قائماً في الساحة الفنية، حيث استغل برجي استضافته ببرنامج "المجهول" ليرد على تعليق سابق للمثلة نادين نجيم، قائلاً: نادين ممثلة لبنانية بحترمها جداً ولا مرة حكيت عنها إلا بكل خير، بس طالعة تحكي بالأغاني، كم غنية عملتي؟ أنا قلتلك كم مسلسل وفيلم عملت، وما سمحت لحالي أطلع اتفلسف وأنظّر وأحكي عن شي مو من اختصاصي، شو بعرّفها بعالم الأغاني؟ هي مطّلعة ولكن مش متخصصة، قد تكون شقة مدام نادين شقة، في حدا ببيع البيت مع احتفاظي بالمطبخ؟ البيع هو التخلي عن الشيء بالمطلق مقابل شيء".
بدورها شاركت نادين نجيم تصريحات زياد، وعلقت عليها: " بس حدا يفهمني شو صاير؟ لأنه ما عندي علم بشي وغنية؟ ايا غنية ليش انا بغني"، ليوضح لها المتابعون أنه قصد أحد التعليقات السابقة لها حول جدله مع إليسا بسبب أغنية وبطير فكتبت: "هيدا التعليق شو في شي غلط؟ بتأسف انه انفهم بغير نية مع انه رأي حيادي وفي محبة للطرفين والله يصلحها بيناتن بالنهاية. ورغم يلي قاله صراحة بعدني بحبه وبحب اغانيه وصوته الحلو وهو حر يفهمها متل ما بده."
وكانت علقت نادين نجيم على سؤال "انتوا مع فريق إليسا ولا زياد برجي، بصوت مين حبتوها أكتر؟"، فكتبت: "بس ما فيك تسأل هيك لأنوا في بيع وشراء يعني في حقوق وملكية يعني كإنوا بعتك بيتي وجيت سكنت معك.. ما في طرف بالموضوع في منطق وحقوق وواجبات أنا هيك بشوفها، صراحة يمكن يكون في حلقة مفقودة نحنا ما بنعرفها".
وأضافت نادين في تعليقها "كرمال هيك لازم ما نحكم ولا ناخد طرف أصحاب العلاقة لازم يحلوها، هني بيعرفوا مين الغلطان فيهم، وبحبهم الاثنين كتير وصوتهم رائع والله يصلحها، بيناتهم، لأنه التعاون أثمر عن أغنية كتير حلوة ونجاح كبير للفريقين لازم يستثمروا هل الشي اكتر مش يدمروها".
