رشا شربتجي تشارك مشهد وفاة "أبو الوفا" من مسلسل ولاد بديعة
شاركت المخرجة رشا شربتجي مشهد وفاة أبو الوفا في الجامع من مسلسل ولاد بديعة وكتبت عبر انستغرام:
"هاد اليوم تعبنا فيه كتير وأخد التصوير معنا وقت طويل، هاد النوع من المَشاهد بيخوّف لأنو مو بسهولة ممكن يوصل للناس، وكنت خايفة من النتيجة رغم أني حاولت أعملو بإحساس عالي بس نسينا هالتعب بعد ما سمعنا الأصداء الحلوة".
وأضافت شربتجي "ودّعنا بهالحلقة أبو الوفا الشخصية اللي قدمها الفنان القدير تيسير إدريس بأول تجربة إلي معو، هو فنان كبير وعندو أدوات مميزة ومختلفة وحضور ساحر بيليق بهاد النوع من الشخصيات، وأداه بطريقة رائعة مليانة صدق ومشاعر، شكراً لكل الفنانين والفنيين اللي بذلوا جهد كبير لتطلع الحلقة بهي النتيجة، على أمل نكمّل معكن بمشاهد أجمل تنال إعجابكن"
