ريما الرحباني تحيي ذكرى والدها على طريقتها الخاصة
ذكرت ريما الرحباني ابنة الموسيقار الراحل عاصي الرحباني والسيدة فيروز أنها ستقوم بنشر مجموعة من الفيديوهات عن والدها في ذكرى رحيله التي تصادف يوم 21 حزيران الحالي.
ونشرت ريما الرحباني على حسابها عبر "فيسبوك"، مقطع فيديو من أعمال والدها الراحل ارفقته بالتعليق التالي: "بعد ظهر الخير كيفكن؟ انشالله تكونوا كلكن مليحين! من هلق ليوم 21 حزيران 2022 تاريخ الإحتفالية! رح نشوف سوى كل يوم فيديو عن والى عاصي الرحباني.. هيك بتفوتوا بالجو أكتر! ويوم بعد يوم بجاوب على أسئلتكن وتساؤلاتكن بخصوص هالمناسبة".
وأضافت ريما: "وانا كـ ريما عاصي الرحباني، بدّي أكّدلكن إنّو السنة بـ ٢١حزيران رح تكون أحلى وأصدق وأبسط وأنبل إحتفالية بمشاركتكن إنتو، ورح يسمعنا عاصي من فوق وتنرسم ع وجّو تلاميح الرضى ويضحك بأعلى صوت ويتطمن عاللي كمان مرّة كان بيعرفو من قبل ما يفل!".
وتفاعل متابعو ريما مع الفيديو بشكل واسع، مؤكدين أنهم بالانتظار وأن عاصي الرحباني لن يرحل من الذاكرة وهو باقٍ ومتجذر فيها.
